اسلام ٹائمز - عامر ڈوگر کی یافث نوید ہاشمی کے اہلخانہ سے ملاقات

عامر ڈوگر کی یافث نوید ہاشمی کے اہلخانہ سے ملاقات

ملاقات کے دوران ملک عامر ڈوگر کا کہنا تھا کہ میں یافث نوید ہاشمی کی بازیابی کیلئے ہر ممکن کوشش کرونگا، میری ہمدردیاں یافث نوید ہاشمی کی فیملی کے ساتھ ہیں، میں اس حوالے سے مختلف فورمز پر بات کرونگا اور آپکے تحفطات دور کرنے کی کوشش کرینگے۔

اسلام ٹائمز۔ چیف وہپ قومی اسمبلی و رہنما پاکستان تحریک انصاف ملک محمد عامر ڈوگر نے وفد کے ہمراہ عید سے قبل اغوا ہونے والے معروف قانون دان و سابق نائب صدر ہائیکورٹ بار ملتان یافث نوید ہاشمی کے گھر ان کے خانوادے سے ملاقات کی، اس موقع پر مجلس وحدت مسلمین کے مرکزی ڈپٹی سیکرٹری جنرل سید ناصر عباس شیرازی، صوبائی سیکرٹری جنرل جنوبی پنجاب علامہ اقتدار نقوی، قارب نوید ہاشمی، انجینیئر مہر سخاوت علی، سید فضل عباس نقوی ایڈووکیٹ، ملک بختیار مہدی ایڈووکیٹ، سید سمیع گردیزی ایڈووکیٹ اور دیگر رہنما بھی موجود تھے۔ ملک عامر ڈوگر نے ملاقات کے دوران کہا کہ میں یافث نوید ہاشمی کی بازیابی کے لیے ہر ممکن کوشش کروں گا، انہوں نے کہا کہ میری ہمدردیاں یافث نوید ہاشمی کی فیملی کے ساتھ ہیں۔ انہوں نے کہا کہ میں اس حوالے سے مختلف فورمز پر بات کروں گا اور آپ کے تحفطات دور کرنے کی کوشش کریں گے۔ اس موقع پر سید ناصر عباس شیرازی نے کہا کہ یافث نوید ہاشمی اس ملک کا پرامن شہری ہے، اس نے اس ملک اور قوم کی خدمت کی ہے، ہم مطالبہ کرتے ہیں کہ فی الفور یافث نوید ہاشمی کو بازیاب کرایا جائے اور اگر وہ کسی جرم کا مرتکب ہوا ہے تو اسے عدالتوں میں پیش کیا جائے۔