QR CodeQR Code

پاراچنار گرینڈ جرگہ

15 Sep 2019 11:21

جرگہ سے خطاب کرتے ہوئے رکن صوبائی اسمبلی سید اقبال میاں، تحریک حسینی کے صدر مولانا یوسف حسین، عمران الدین، ذوالفقار علی بھٹو اور دیگر مقررین نے کہا کہ ضلع کرم میں ترقیاتی کاموں کیلئے موثر اقدامات اٹھانے کی ضرورت ہے۔ جرگے میں نئے تعینات ہونے والے بریگیڈیئر نجف عباس، کمانڈنگ آفیسر لیفٹننٹ کرنل محمد جاوید، کمانڈنٹ کرم ملیشیا اور دیگر فوجی افسران نے بھی شرکت کی۔


اسلام ٹائمز۔ پاراچنار میں ضلع کرم کے قبائلی عمائدین کے گرینڈ جرگہ سے خطاب کرتے ہوئے بریگیڈیئر اختر علیم نے کہا کہ اس کے باوجود کہ ضلع کرم میں محرم الحرام کے دوران داعش اور طالبان کی جانب سے تھریٹس ملے تھے، مگر اس کے باوجود قبائلی عمائدین اور عوام کے تعاون سے تمام مجالس اور جلوسوں کا انعقاد پرامن طریقے سے ہوا۔ انہوں نے کہا کہ دہشتگردی کے مکمل خاتمے اور علاقے کی ترقی کیلئے سب کو مل کر کام کرنے کی ضرورت ہے۔ حاجی سردار حسین نے خطاب میں کہا کہ ہم بارڈر کے اس پار داعش کے جمع ہونے سے باخبر ہیں، ہم پاک فوج کے ساتھ شانہ بشانہ ہر محاذ پر موجود ہوں گے اور ان شاء اللہ پاکستان کی سالمیت کیلئے کسی قسم قربانی سے دریغ نہیں کریں گے۔ جرگہ سے خطاب کرتے ہوئے رکن صوبائی اسمبلی سید اقبال میاں، تحریک حسینی کے صدر مولانا یوسف حسین، عمران الدین، ذوالفقار علی بھٹو اور دیگر مقررین نے کہا کہ ضلع کرم میں ترقیاتی کاموں کیلئے موثر اقدامات اٹھانے کی ضرورت ہے۔ جرگے میں نئے تعینات ہونے والے بریگیڈیئر نجف عباس، کمانڈنگ آفیسر لیفٹننٹ کرنل محمد جاوید، کمانڈنٹ کرم ملیشیا اور دیگر فوجی افسران نے بھی شرکت کی۔


خبر کا کوڈ: 816294

خبر کا ایڈریس :
https://www.islamtimes.org/ur/gallery/816294/1/پاراچنار-گرینڈ-جرگہ

اسلام ٹائمز
  https://www.islamtimes.org