اسلام ٹائمز - قائد اعظم یونیورسٹی میں یوم حسینؑ

مقررین کا کہنا تھا کہ امام حسینؑ کا پیغام رہتی دنیا تک باقی ہے، کربلا آج بھی برپا ہے، بس ہمیں کردار حسین ؑ ادا کرنے کی ضرورت ہے، کشمیر میں مظالم کی انتہا کردی گئی ہے۔

اسلام ٹائمز۔ امامیہ اسٹوڈنٹس آرگنائزیشن پاکستان قائد اعظم نیونیورسٹی اسلام آباد کے زیراہتمام سالانہ یوم حسین بعنوان ’’فلسفئہ قیام امام حسین ؑ کانفرنس‘‘ کا اہتمام کیا گیا جس میں طلباء و طالبات کی بڑی تعداد نے شرکت کی۔ کانفرنس سے معروف عالم دین علامہ شہنشاہ نقوی اور اہل سنت کے جید عالم دین مفتی گلزار حسین نعیمی نے خصوصی خطاب کیا، مرکزی صدر آئی ایس او قاسمی شمسی نے شرکت کی اور فلسطہ کربلا پر روشنی ڈالی، مقررین کا کہنا تھا کہ امام حسینؑ کا پیغام رہتی دنیا تک باقی ہے، کربلا آج بھی برپا ہے، بس ہمیں کردار حسین ؑ ادا کرنے کی ضرورت ہے، کشمیر میں مظالم کی انتہا کردی گئی ہے، عالمی دنیا خاموش تماشائی بنی ہوئی ہے۔ ہم اپنے کشمیری بھائیوں کے ساتھ کھڑے ہیں۔ کسی محاذ پر تنہا نہیں چھوڑیں گے۔