اسلام ٹائمز۔ گلگت میں شہدائے کربلا کا چہلم عقیدت و احترام کے ساتھ منایا گیا۔ چہلم امام حسین (ع) کا مرکزی جلوس انجمن حسینیہ نگر خزانہ روڈ سے برآمد ہوا، مرکزی جلوس میں مجینی محلہ، نگرل، امپھری سے 6 ماتمی دستے شامل ہوئے جو اپنے مقررہ راستوں سے ہوتے ہوئے امپھری قبرستان میں پہنچ کر اختتام پذیر ہوئے۔ چہلم کے موقع پر سکیورٹی کے سخت انتظامات کئے گئے تھے۔ پولیس، رینجرز اور جی بی سکاؤٹس کے سینکڑوں اہلکار تعینات رہے۔