اسلام ٹائمز۔ پاکستان کے دیگر شہروں کی طرح ڈیرہ اسماعیل خان میں بھی جمعیت علماء اسلام کے زیراہتمام یکجہتی کشمیر ریلی نکالی گئی۔ جے یو آئی کے زیراہتمام باب ڈیرہ سے ریلی کا آغاز ہوا جو کہ فوارہ چوک پہ پہنچ کے بڑے جلسے میں تبدیل ہو گی۔ ریلی کی قیادت جمعیت علماء اسلام (ف) کے مولانا عبید الرحمان نے کی۔ ریلی میں ہزاروں افراد نے شرکت کی۔ شرکاء سے خطاب کرتے ہوئے مولانا عبید الرحمان نے موجودہ حکومت کو خوب آڑے ہاتھوں لیا اور اعلان کیا کہ جے یو آئی کا ہر کارکن ہر قیمت پہ آزادی مارچ کا حصہ بنے گا۔ انہوں نے موجودہ حکومت کو کمزور اور عوام پہ مسلط کی گئی حکومت قرار دیتے ہوئے بتایا کہ پی ٹی آئی حکومت اپنی مدت پوری نہیں کرے گی۔
