اسلام ٹائمز۔ انجمن تعلقات پاکستان و ایران کی سپریم کونسل کے چئیرمین اور سابق وزیراعلیٰ پنجاب میاں منظور احمد وٹو کی قونصل جنرل ایران لاہور محمد رضا ناظری سے ملاقات ہوئی۔ میاں منظور احمد وٹو نے کشمیر کے مسئلے پر ایرانی حکومت کے مضبوط موقف اور ایرانی پارلیمنٹ میں کشمیر کیلئے متفقہ قرارداد پاس کرنے پر ایرانی حکومت کا شکریہ ادا کیا اور ساتھ ہی رہبر معظم آیت اللہ العظمٰی سید علی خامنہ ای کی کشمیریوں سے دلی اظہار ہمدردی اور دوٹوک موقف کا بھی شکریہ ادا کیا۔
