QR Code

ملتان، ''تحفظ ناموس امام مہدی کنونشن'' کے موقع پر دستخطی مہم

30 Nov 2019 22:26

دستخطی مہم کے آرگنائزر عاطف حسین کا کہنا تھا کہ ملک بھر سے لاپتہ افراد کی بازیابی کیلئے دستخطی مہم کا سلسلہ جاری رہیگا، یہ ملک ہمارا ہے اور ہم ہی اسکے استحکام کے ضامن ہیں، پاکستان میں دوہرا نظام انصاف ہے، طاقتور کیلئے اور اصول ہیں اور کمزور کیلئے اور ہیں، اسوقت پاکستان میں محب وطن افراد میں تشویش پائی جاتی ہے۔

اسلام ٹائمز۔ جوائنٹ ایکشن کمیٹی فار شیعہ مسنگ پرسن پاکستان کی جانب سے امام بارگاہ ابوالفضل العباس ملتان میں تحفظ ناموس امام مہدی کنونشن کے موقع پر اسیران ملت جعفریہ بالخصوص یافث نوید ہاشمی کی بازیابی کیلئے دستخط رہائی مہم کا اہتمام کیا گیا۔ دستخطی مہم میں کراچی کے عالم دین علامہ صادق رضا تقوی، علامہ ماجد رضا عابدی، ایم ڈبلیو ایم جنوبی پنجاب کے سیکرٹری جنرل علامہ اقتدار حسین نقوی، جامعہ شہید مطہری کے پرنسپل علامہ قاضی نادر علوی، المخزن کے ایڈیٹر مولانا غلام شبیر حیدری، علامہ ناصر سبطین ہاشمی، ذاکر اہلبیت قاضی وسیم عباس، ذاکر اہلبیت الطاف حسین شاہ، شاعر اہلبیت زوار حسین بسمل سمیت کثیر تعداد میں علمائے کرام، ذاکرین عظام، مشائخ اور مومنین کرام نے بھرپور حصہ لیا۔ دستخطی مہم کے آرگنائزر عاطف حسین کا کہنا تھا کہ ملک بھر سے لاپتہ افراد کی بازیابی کے لیے دستخطی مہم کا سلسلہ جاری رہے گا، یہ ملک ہمارا ہے اور ہم ہی اس کے استحکام کے ضامن ہیں، پاکستان میں دوہرا نظام انصاف ہے، طاقتور کے لیے اور اصول ہیں اور کمزور کے لیے اور ہیں، اس وقت پاکستان میں محب وطن افراد میں تشویش پائی جاتی ہے۔

خبر کا کوڈ: 829994