اسلام ٹائمز۔ سپاہ اسلام کے گرانقدر شہید میجر جنرل قاسم سلیمانی کا پیکر پاک ان کے آبائی وطن کرمان پہنچ گیا ہے، جہاں کئی ملین افراد نے ان کی تشیع جنازہ میں شرکت کرکے سپاہ اسلام کے عظیم الشان حنرل کو خطے میں سامراجی طاقتوں کی سازشوں کو ناکام بنانے پر خراج تحسین پیش کیا ہے۔ اطلاعات کے مطابق شہید میجر جنرل قاسم سلیمانی کی تشیع جنازہ میں سینکڑوں افراد نے کفن بھی پہن رکھا تھا اور وہ شہید کا ناحق خون بہانے پر امریکہ کو سخت سزا دینے کا طالبہ کر رہے تھے۔ شہید میجر جنرل سلیمانی کو 41 ثاراللہ بریگیڈ کے ساتھی شہیدوں کے ساتھ سپرد خاک کیا جائے گا۔ اس سے قبل شہید میجر جنرل قاسم سلیمانی اور شہید ابو مہدی مہندس اور ان کے شہید ساتھیوں کی کاظمین، بغداد، کربلائے معلیٰ، نجف اشرف، اہواز، مشہد مقدس، تہران اور قم میں تشیع جنازہ میں کئی ملین افراد نے شرکت کی، شہیدوں کو خراج عقیدت اور خراج تحسین پیش کیا اور دشمنان اسلام سے ان کے خون کا سخت بدلہ لینے کا مطالبہ کیا۔
