پشاور، ورکشاپ و اجلاس شوریٰ

اسلام ٹائمز۔ مجلس وحدت مسلمین خیبر پختونخوا کے زیراہتمام پشاور میں دو روزہ تنظیمی و تربیتی ورکشاپ اور صوبائی شوریٰ کے اجلاس کا انعقاد کیا گیا۔ جامعہ شہید عارف حسین الحسینی (رہ) میں زیر صدارت صوبائی سیکرٹری جنرل علامہ سید وحید کاظمی منعقدہ پروگرام میں ایم ڈبلیو ایم کی صوبائی کابینہ، اضلاع کے مسئولین اور مرکز کی جانب سے مرکزی ڈپٹی سیکرٹری جنرل علامہ سید احمد اقبال رضوی، رکن شوریٰ عالی علامہ محمد اقبال بہشتی، سیکرٹری تعلیم نثار علی فیضی اور کوآرڈینیٹر تنظیم سازی سید عدیل عباس زیدی شریک ہوئے۔ ورکشاپ کے پہلے روز علامہ اقبال بہشتی نے ’’مہدویت اور منتظرین کی ذمہ داری‘‘ کے موضوع پر لیکچر دیا۔ قبل ازیں ابتدائی کلمات علامہ وحید کاظمی نے ادا کئے۔ بعدازاں مرکزی سیکرٹری تعلیم نثار علی فیضی نے ‘‘ٹیم بنانے کے مراحل‘‘ کے موضوع پر شرکائے ورکشاپ کو لیکچر دیا۔ ورکشاپ کا اختتام دعا کیساتھ کیا گیا، جبکہ اتوار کے روز صوبائی شوریٰ کا اجلاس منعقد ہوا۔ جس میں خصوصی شرکت اور خطاب مرکزی ڈپٹی سیکرٹری جنرل مجلس وحدت مسلمین علامہ سید احمد اقبال رضوی نے کیا۔ اجلاس کے دوران صوبائی کارکردگی رپورٹ علامہ وحید کاظمی نے پیش کی، جبکہ آئندہ کا لائحہ بھی طے کیا گیا۔