QR CodeQR Code

پشاور، انڈر 21 گیمز کی افتتاحی تقریب

9 Mar 2020 18:40

وزیراعظم عمران خان نے انڈر 21 گیمز کا افتتاح کیا، اس موقع پر آتش بازی کا شاندار مظاہرہ کیا گیا جس سے سٹیڈیم کی فضاء پر رنگ بکھر گئے، گورنر شاہ فرمان، وزیراعلٰی خیبر پختونخوا محمود خان اور صوبائی وزراء بھی تقریب میں شریک تھے۔


اسلام ٹائمز۔ وزیراعظم عمران خان نے کہا ہے کہ کھلاڑی نہ ہوتا تو سیاست میں ہار مان چکا ہوتا، زندگی اونچ نیچ کا نام ہے، گر کر کھڑا ہونے والا پہلے سے زیادہ مضبوط ہوتا ہے، کھیل سے ہی مشکل حالات کا مقابلہ کرنا سیکھا۔ پیر کو قیوم سپورٹس کمپلیکس پشاور میں انڈر 21 گیمز کی افتتاحی تقریب سے خطاب میں وزیراعظم عمران خان نے کہا کہ زندگی مقابلے کا نام ہے، شکست سے نہ ہارنے والا ہی چیمپئن ہوتا ہے کیونکہ وہ اپنی شکست کی وجوہات کو سامنے رکھ کر دگنی محنت کرتا ہے۔ انہوں نے کہا کہ گر کر کھڑا ہونے والا پہلے سے زیادہ مضبوط ہوتا ہے، کوئی بھی دنیا میں آج تک چیمپئن نہیں بنا جو ہار کو سمجھتا نہ ہو۔ عمران خان نے کہا کہ اگر سپورٹس میں نہ ہوتا تو میں 22 سال تک سیاست نہ کرتا اور بہت جلد ہار مان لیتا، پڑھائی اور بزنس میں بھی مقابلہ ہوتا ہے، سیاست بھی مقابلے کا نام ہے، چیمپئن ہار نے سے ڈرتا نہیں، سیکھتا ہے، انسان تب ہارتا ہے جب شکست تسلیم کر لے۔ وزیراعظم عمران خان نے کھیلوں کے انعقاد پر وزیراعلٰی محمود خان کو مبارکباد دیتے ہوئے کہا کہ ان گیمز سے نوجوانوں کا ٹیلنٹ سامنے آئے گا، نوجوانوں کو سپورٹس کی اہمیت بتانا چاہتا ہوں، گاؤں کی سطح پر کھیلوں کو فروغ دینا ہوگا۔ انہوں نے کہا کہ آج آپ کو یہ یاد رکھنا ہے کہ آپ اس پاکستانی قوم کا حصہ ہیں جس نے انشاء الله دنیا کی عظیم ترین قوم بننا ہے۔ قبل ازیں وزیراعظم عمران خان نے انڈر 21 گیمز کا افتتاح کیا، اس موقع پر آتش بازی کا شاندار مظاہرہ کیا گیا جس سے سٹیڈیم کی فضاء پر رنگ بکھر گئے، گورنر شاہ فرمان، وزیراعلٰی خیبر پختونخوا محمود خان اور صوبائی وزراء بھی تقریب میں شریک تھے۔


خبر کا کوڈ: 849338

خبر کا ایڈریس :
https://www.islamtimes.org/ur/gallery/849338/1/پشاور-انڈر-21-گیمز-کی-افتتاحی-تقریب

اسلام ٹائمز
  https://www.islamtimes.org