اسلام ٹائمز۔ امامیہ اسٹوڈنٹس آرگنائزیشن پاکستان پشاور ڈویژن کے صدر کی سربراہی میں پاراچنار لوکل یونٹس کے اراکین سمیت ممبران نے شہید عارف حسین الحسینی کے مزار پر حاضری دی۔ جس میں دعائے کمیل کے ساتھ عالمی وباء کورونا وائرس سے ملت اسلامیہ کے بچاو اور عالمی سلامتی کے لئے دعا کی گئی۔ محفل کے شرکاء سے خطاب کرتے ہوئے مدرسہ جعفریہ کے مُدرس علامہ اخلاق حسین شریعتی نے شہید قائد کی زندگی، ان کی فکری اور عملی جدوجہد پر روشنی ڈالی اور آج کل کے عہد حاظر میں اسوہ حُسینی اپنانے کی تاکید کی۔