لاہور، پولیس سٹیشن میں امامیہ اسکاوٹس کا انٹی کرونا چھڑکاؤ

اسلام ٹائمز۔ امامیہ اسٹوڈنٹس آرگنائزیشن پاکستان کے مرکزی دفتر لاہور سے ملک گیر صفائی و خدماتی مہم کا آغاز کر دیا گیا ہے۔ تنظیم کے مرکزی صدر عارف حسین الجانی نے صفائی اور خدماتی مہم کا آغاز کرتے ہوئے بتایا کہ امامیہ اسٹوڈنٹس آرگنائزیشن پاکستان کے شعبہ اسکاوٹنگ کے تحت لاہور سمیت ملک بھر میں اہم شاہراوں، مساجد، سپیڈو بسوں کی صفائی کیساتھ ساتھ جراثیم کُش سپرے، سینٹائزر کی تقسیم آوری اور وبائی مرض سے بچاو کیلئے عوام کو آگاہ کیا جائے گا۔ اس سلسلے میں تھانہ مسلم ٹاؤن کے ایس ایچ او اختر علی کی اپیل پر مذکورہ پولیس اسٹیشن میں امامیہ اسکاوٹس کے خصوصی دستے نے انٹی کرونا چھڑکاؤ کیا۔