QR Code

مطہری و ثقافتی مرکز کشمیر کی امدادی مہم جاری

6 Apr 2020 21:31

عوام کی مشکلات کو پیش نظر وادی کشمیر کی دیگر تنظیموں کے ساتھ ساتھ مطہری و ثقافتی مرکز کشمیر نے غرباء کو انکے گھروں تک ضروریات زندگی پہنچانے کے لئے امدادی کارروائی کا سلسلہ تیز کیا ہے۔

اسلام ٹائمز۔ کورونا وائرس کے پیش نظر جہاں دنیا بھر میں معیشت کو شدید نقصان ہوا ہے وہیں دنیا بھر کا غریب طبقہ سخت ترین مشکلات سے گزر رہا ہے۔ بھارت میں اگرچہ لاک ڈاؤن کو اکیس دن پورے نہیں ہوئے ہیں لیکن غریب طبقہ خود کشی کرنے پر آمادہ  ہوگیا ہے۔ مقبوضہ کشمیر میں لاک ڈاؤن پورے آٹھ ماہ سے جاری ہے ان آٹھ مہینے میں کشمیری عوام گوناگوں مشکلات کے شکار ہوئے ہیں لیکن غریب عوام سب زیادہ پریشانی کے عالم میں ہے۔ عوام کی مشکلات کو پیش نظر وادی کشمیر کی دیگر تنظیموں کے ساتھ ساتھ مطہری و ثقافتی مرکز کشمیر نے غرباء کو انکے گھروں تک ضروریات زندگی پہنچانے کے لئے امدادی کارروائی کا سلسلہ تیز کیا ہے۔ ثقافتی مرکز سے وابستیہ کارکنوں نے ان مشکل ایام میں کشمیری عوام کی دادرسی میں اہم کردار ادا کیا ہے جس کے تحت پہلے مرحلے میں لوگوں کو فیس ماسک مہیا کئے ہیں اور اب اشیاء خردنی کو محتاجوں کے لئے دستیاب رکھا گیا ہے۔

خبر کا کوڈ: 855051