اسلام ٹائمز۔ بریلوی مسلک کی معروف تبیلغی جماعت دعوت اسلامی کے زیرانتظام میانوالی میں تھیلیسیمیا کے مریض بچوں کیلئے بلڈ کیمپ لگایا گیا۔ رکن قومی اسمبلی و چیئرمین قائمہ کمیٹی برائے دفاع امجد علی خان نے ڈونیشن کیمپ کا دورہ کیا۔ اس موقع پر رکن قومی اسمبلی و چیئرمین قائمہ کمیٹی برائے دفاع امجد علی خان نے دعوت اسلامی کے ذہ داروں اور ٹیم کی حوصلہ افزائی کی۔ امجد علی خان کا کہنا تھا کہ مشکل کی اس گھڑی میں اچھا اقدام ہے، تمام دوست خون عطیہ کریں اور تھیلیسمیا کے بچوں کی جان بچانے میں اپنا کردا ادا کریں۔