اسلام ٹائمز - سکردو، احتیاطی تدابیر کے ساتھ درس قرآن

قائد بلتستان علامہ شیخ محمد حسن جعفری نے سماجی دوری کے اصولوں پر عمل پیرا ہوتے ہوئے درس قرآن کا سلسلہ شروع کر دیا۔ مرکزی جامع مسجد سکردو میں سماجی فاصلہ رکھ کر اور دیگر تمام احتیاطی تدابیر پر عمل کرتے ہوئے درس قرار کا سلسلہ شروع کیا گیا۔

اسلام ٹائمز۔ قائد بلتستان علامہ شیخ محمد حسن جعفری نے سماجی دوری کے اصولوں پر عمل پیرا ہوتے ہوئے درس قرآن کا سلسلہ شروع کر دیا۔ مرکزی جامع مسجد سکردو میں سماجی فاصلہ رکھ کر اور دیگر تمام احتیاطی تدابیر پر عمل کرتے ہوئے درس قران کا سلسلہ شروع کیا گیا۔ علامہ شیخ حسن جعفری نے اپنے خطاب میں تاکیداً احتیاطی تدابیر اختیار کرنے، ماسک کا استعمال اور ہلاتھ نہ ملانے کی بھی ہدایت کی اور کہا کہ ماہ مبارک رمضان میں قرآن کی تفسیر اور قرآن فہمی ضروری ہے۔ قرآنی تعلیمات پر عمل پیرا ہو کر ہی ہم کامیاب و کامران ہو سکتے ہیں۔ یاد رہے کہ بلتستان میں کرونا وائرس کی صورتحال تسلی بخش ہے۔ پورے ریجن میں صرف چھ مریض موجود ہیں جو کہ تیزی سے صحت یاب ہو رہے ہیں تاہم جی بی کے دیگر اضلاع میں نئے کیسز سامنے آنے کی وجہ سے بلتستان میں لاک ڈائون میں نرمی نہیں کی گئی اور احتیاطی تدابیر کو مزید سخت کیا جا رہا ہے۔