جمرود میں استاد کے قتل کیخلاف احتجاج

اسلام ٹائمز۔ قبائلی ضلع خیبر میں سکول ٹیچر عرفان اللہ آفریدی کی محکمہ انسدادِ دہشتگردی (سی ٹی ڈی) کے ساتھ مبینہ مقابلے میں ہلاکت کے خلاف جمرود میں احتجاج کیا گیا۔ جس کی وجہ سے پاکستان اور افغانستان کے درمیان بین الاقوامی شاہراہ بند رہی۔ یاد رہے کہ چند روز قبل پشاور کے علاقے متنی میں ہونے والے اس مبینہ مقابلے میں عرفان اللہ سمیت چار افراد مارے گئے تھے۔ سی ٹی ڈی حکام نے دعویٰ کیا ہے کہ اس مبینہ مقابلے میں عرفان اللہ اور ان کے علاوہ ہلاک ہونے والے تین دیگر افراد دہشتگردی کی کارروائیوں کی منصوبہ بندی کر رہے تھے تاہم لواحقین کی جانب سے ان تمام الزامات کو مسترد کیا گیا ہے۔