QR Code
گلگت، ملی یکجہتی کونسل کا اجلاس
24 Jul 2020 01:26
جی بی میں تنظیم سازی کیلئے مرکزی جنرل سکریٹری لیاقت بلوچ کی صدارت میں اجلاس منعقد ہوا جس میں 14 دینی تنظیموں نے شرکت کی۔ اجلاس میں متفقہ طور پر اسلامی تحریک کے شیخ میرزا علی کو صدر اور مشتاق ایڈوکیٹ کو جنرل سکریٹری منتخب کیا گیا جبکہ مولانا سرور شاہ سرپرست اعلیٰ ہوں گے۔
اسلام ٹائمز۔ گلگت بلتستان میں ملی یکجہتی کونسل کا قیام عمل میں لایا گیا۔ جی بی میں تنظیم سازی کیلئے مرکزی جنرل سکریٹری لیاقت بلوچ کی صدارت میں اجلاس منعقد ہوا جس میں 14 دینی تنظیموں نے شرکت کی۔ لیاقت بلوچ کی زیر صدارت ہونے والے اجلاس میں دیگر مرکزی قائدین پیر سید ہارون علی گیلانی، حافظ عبدالغفار روپڑی اور ثاقب اکبر شریک ہوئے۔ نگران صوبائی وزیر مولانا سرور شاہ کی رہائش گاہ پر منعقدہ اجلاس میں شرکاء نے ملی یکجہتی کونسل کی جی بی میں توسیع کو خوش آئند قرار دیا۔ اجلاس میں متفقہ طور پر اسلامی تحریک کے شیخ میرزا علی کو صدر اور مشتاق ایڈوکیٹ کو جنرل سکریٹری منتخب کیا گیا جبکہ مولانا سرور شاہ سرپرست اعلیٰ ہوں گے۔
خبر کا کوڈ: 876166