اسلام ٹائمز - پاراچنار میں عید غدیر جلسہ

مرکزی امام بارگاہ پاراچنار میں منعقدہ عید غدیر کے موقع پر منعقدہ جلسے سے خطاب کرتے ہوئے علمائے کرام نے کہا کہ عید غدیر داماد رسول (ص)، شیر خدا، حضرت علی علیہ السلام سے منسوب ہے اور زندہ قومیں اپنی تاریخ کو زندہ رکھتی ہیں۔

اسلام ٹائمز۔ پاراچنار میں عید غدیر کی مناسبت سے دو روزہ جلسے اور مختلف تقریبات کا انعقاد کیا گيا، جس میں کثیر تعداد میں علمائے کرام، قبائلی عمائدین اور عوام نے شرکت کی۔ مرکزی امام بارگاہ پاراچنار میں منعقدہ عید غدیر کے موقع پر منعقدہ جلسے سے خطاب کرتے ہوئے علمائے کرام نے کہا کہ عید غدیر داماد رسول (ص)، شیر خدا، حضرت علی علیہ السلام سے منسوب ہے اور زندہ قومیں اپنی تاریخ کو زندہ رکھتی ہیں، علماء کا کہنا تھا کہ موجودہ بدامنی کے خاتمے اور اسلام کے خلاف ہونے والی سازشوں کو ناکام بنانے کیلئے مسلمانوں کو متحد ہونے کی ضرورت ہے اور مسلمانوں کے اتحاد میں علماء کو بھی اپنا کردار ادا کرنا چاہیئے۔