اسلام ٹائمز - یمن، صوبہ مأرب میں بیگناہ شہریوں کیخلاف سعودی لڑاکا طیاروں کے نئے جرائم

یمن، صوبہ مأرب میں بیگناہ شہریوں کیخلاف سعودی لڑاکا طیاروں کے نئے جرائم

عرب نیوز چینل المسیرہ کیمطابق گذشتہ روز جارح سعودی لڑاکا طیاروں کیجانب سے صوبہ مأرب کے دیہات العرضیہ میں کئی ایک دکانوں کو ممنوعہ کلسٹر بموں کے ذریعے بمباری کا نشانہ بنایا گیا تھا جسکے باعث کم از کم 4 بچوں سمیت 6 بیگناہ یمنی شہری زخمی ہو گئے ہیں۔

اسلام ٹائمز۔ جارح سعودی فوجی اتحاد کے لڑاکا طیاروں نے یمن کے مرکزی صوبے مأرب میں متعدد دکانوں پر بمباری کرے کے بیگناہ یمنی شہریوں کے خلاف نئے جرائم کا ارتکاب کیا ہے۔ عرب نیوز چینل المسیرہ کے مطابق گذشتہ روز جارح سعودی لڑاکا طیاروں کی جانب سے صوبہ مأرب کے دیہات العرضیہ میں کئی ایک دکانوں کو ممنوعہ کلسٹر بموں کے ذریعے وحشیانہ بمباری کا نشانہ بنایا گیا تھا جس کے باعث کم از کم 4 بچوں سمیت 6 بیگناہ یمنی شہری زخمی ہو گئے ہیں۔ قبل ازیں صوبہ مأرب کے ہی ایک علاقے الذراع بنی ربیح میں بھی سعودی لڑاکا طیاروں کی جانب سے ازقبل گرائے گئے کلسٹر بموں کے پھٹ جانے سے 2 یمنی بچے شہید اور 2 بیگناہ شہری زخمی ہو گئے تھے۔