لاہور، اسلامی جمیعت طلبہ کی فرانسیسی صدر کیخلاف ریلی

اسلام ٹائمز۔ گستاخانہ خاکے دکھانے والے فرانسیسی استاد کے قتل کے بعد ایمانیوئل میکرون کی جانب سے مذہب کا مذاق اڑانے کے حق کا دفاع کرنے کے بعد سے مسلم دنیا میں شدید ردعمل جاری ہے۔ عرب ممالک، ایران، ترکی اور پاکستان سمیت مسلم ممالک نے سخت احتجاج ریکارڈ کروایا ہے۔ پاکستان میں سیاسی و مذہبی جماعتوں اور رہنماوں نے فرانسیسی صدر کے بیان کی سخت مذمت کی ہے۔ اس سلسلے میں اسلامی جمیعت طلبہ کے زیراہتمام بھیکے وال چوک وحدت روڈ لاہور پر احتجاجی ریلی نکالی گئی، شرکا نے فرانسیسی صدر کیخلاف سخت نعرے بازی کی اور فراسیسی اشیا کے بائیکاٹ کا مطالبہ کرتئ ہوئے فرانس کے سفیر کو ملک بدر کرنے کا مطالبہ کیا۔ ریلی کے اختتام پر فرانس کا پرچم نذر آتش کیا گیا۔