اسلام ٹائمز - مقبوضہ کشمیر میں میلاد النبی (ص) کی ریلی

ریلی کے شرکاء اس دوران ’’لبیک یا رسول اللہ (ص)‘‘ کے فلک شگاف نعرے بلند کررہے تھے۔ شرکاء نے فرانس میں توہین رسالت مآب کی شدید الفاظ میں مذمت کی۔

اسلام ٹائمز۔ مقبوضہ کشمیر کے ضلع اسلام آباد میں آج ہزاروں کی تعداد میں فرزندان توحید نے میلاد النبی (ص) کی ریلی نکالی۔ ریلی میں عاشقان رسول اللہ (ص) ہاتھوں میں بینر اور پلے کارڈز اٹھائے ہوئے تھے، جن میں میلاد النبی (ص) کے حوالے سے عبارت درج تھی۔ ریلی کے شرکاء اس دوران ’’لبیک یا رسول اللہ (ص)‘‘ کے فلک شگاف نعرے بلند کررہے تھے۔ شرکاء نے فرانس میں توہین رسالت مآب کی شدید الفاظ میں مذمت کی۔ ریلی میں بڑی تعداد میں علماء کرام اور حافظان قرآن کریم شریک تھے۔