QR Code
لاڑکانہ، بینظیر بھٹو کی برسی پر پی ڈی ایم کا پاور شو
28 Dec 2020 00:44
جلسے سے مسلم لیگ (ن) کی نائب صدر مریم نواز، چیئرمین پیپلز پارٹی بلاول بھٹو زرداری و دیگر قائدین نے خطاب کیا، جبکہ سابق صدر مملکت آصف علی زرداری نے بھی بذریعہ ویڈیو لنک خطاب کیا۔
اسلام ٹائمز۔ پاکستان پیپلز پارٹی کے زیر اہتمام سابق وزیراعظم بے نظیر بھٹو کی 13ویں برسی کے موقع پر اتوار کو گڑھی خدا بخش لاڑکانہ میں جلسے کیا گیا، اجتماع میں اپوزیشن اتحاد پاکستان ڈیموکریٹک موومنٹ (پی ڈی ایم) میں شامل تمام جماعتوں کی قیادت نے بھی شرکت کی۔ جلسے سے مسلم لیگ (ن) کی نائب صدر مریم نواز، چیئرمین پیپلز پارٹی بلاول بھٹو زرداری و دیگر قائدین نے خطاب کیا، جبکہ سابق صدر مملکت آصف علی زرداری نے بھی بذریعہ ویڈیو لنک خطاب کیا۔ جلسے سے پختونخوا ملی عوامی پارٹی کے قائد محمود خان اچکزئی، بی این پی ایم کے سربراہ سردار اختر جان مینگل، نیشنل پارٹی کے صدر ڈاکٹر عبدالمالک بلوچ، اے این پی کے نائب صدر امیر حیدر ہوتی، جے یو آئی ایف کی مرکزی رہنماء مولانا عبدالغفور حیدری، جے یو پی کے مرکزی رہنما شاہ اویس نورانی نے بھی خطاب کیا۔ جلسے میں ملک بھر سے جیالوں اور اپوزیشن جماعتوں کے کارکنان نے بھرپور شرکت کی۔
خبر کا کوڈ: 906573