اسلام ٹائمز - کوہاٹ، عظمت شہداء کانفرنس

کانفرنس سے خصوصی خطاب کرتے ہوئے مجلس وحدت مسلمین پاکستان کے سربراہ علامہ راجہ ناصر عباس جعفری نے کہا کہ ملت جعفریہ کو ہر دور میں شہادتوں سے دبانے کی کوشش کی گئی، لیکن شہادت تشیع کی کمزوری نہیں بلکہ طاقت کا باعث بنی۔

اسلام ٹائمز۔ مجلس وحدت مسلمین پاکستان کے سربراہ علامہ راجہ ناصر عباس جعفری نے کہا ہے کہ ملت جعفریہ کو ہر دور میں شہادتوں سے دبانے کی کوشش کی گئی، لیکن شہادت تشیع کی کمزوری نہیں بلکہ طاقت کا باعث بنی۔ ان خیالات کا اظہار انہوں نے کوہاٹ کے علاقہ عیسیٰ خیل ’’عظمت شہداء کانفرنس‘‘ بسلسلہ شہدائے ملت جعفریہ و شہدائے کچئ سے خطاب کرتے ہوئے کیا۔ اس موقع پر چئیرمین البصیرہ ٹرسٹ سید ثاقب اکبر، رکن شوریٰ عالی ایم ڈبلیو ایم علامہ محمد اقبال بہشتی، امامیہ علماء کونسل کے رہنماء اور پرنسپل جامعہ عسکریہ ہنگو علامہ خورشید انور جوادی، صوبائی سیکریٹری جنرل ایم ڈبلیو ایم کے پی کے علامہ وحید علی کاظمی نے بھی کانفرنس میں شرکت کی۔ کانفرنس کے موقع پر شہداء کی تصاویر پر مبنی نمائش کا بھی اہتمام کیا گیا۔