QR Code

کراچی، شیعہ لاپتہ افراد کے بچوں کا گورنر ہاؤس کے باہر احتجاج

22 Apr 2021 02:28

وفد نے گورنر سندھ عمران اسماعیل کو یاداشت پیش کرنے کی کوشش کی، تاہم گورنر سندھ عمران اسماعیل نے جوائنٹ ایکشن کمیٹی کے رہنماؤں اور شیعہ لاپتہ افراد کے اہل خانہ سے ملنے سے اور یادداشت لینے سے انکار کر دیا۔

اسلام ٹائمز۔ جوائنٹ ایکشن کمیٹی فار شیعہ مسنگ پرسن کے رہنما اور لاپتہ افراد کے اہل خانہ بالخصوص معصوم بچوں کی جانب سے گورنر ہاؤس کے باہر احتجاجی مظاہرہ کیا گیا۔ احتجاجی مظاہرے میں شیعہ لاپتہ افراد کے بچوں و اہل خواتین نے گورنر ہاؤس کے راستوں پر رکھی رکاوٹیں ہٹاکر گورنر ہاؤس کے گیٹ سامنے پر امن طریقے سے پہنچ کر علامتی دھرنا دے دیا۔ اس موقع پر احتجاج میں شیعہ لاپتہ افراد کے بچوں کی بڑی تعداد موجود تھی، معصوم بچوں نے اپنے آپ کو نمائشی زنجیروں میں جکڑا ہوا تھا، اس کے علاوہ صدر، وزیراعظم، آمی چیف، گورنر کی تصاویریں پلے کارڈز لئے ہوئے تھے، جس پر معصوم بچوں نے اپنے پیاروں کی بازیابی کا مطالبہ لکھا ہوا تھا۔ اس موقع پر جوائنٹ ایکشن کمیٹی فار شیعہ مسنگ پرسنز کے رہنما علامہ ہادی ولایتی، علامہ روح اللہ حسینی، عباس جعفری سمیت لاپتہ افراد کے اہل خانہ نے خطاب کیا۔ دریں اثناء رہنماؤں کے وفد نے گورنر سندھ عمران اسماعیل کو یاداشت پیش کرنے کی کوشش کی، تاہم گورنر سندھ عمران اسماعیل نے جوائنٹ ایکشن کمیٹی کے رہنماؤں اور شیعہ لاپتہ افراد کے اہل خانہ سے ملنے سے اور یادداشت لینے سے انکار کر دیا۔ بعد ازاں مظاہرین پُرامن طور پر منتشر ہو کر واپس مزار قائدؒ کے باہر مرکزی دھرنے میں پہنچ گئے۔

خبر کا کوڈ: 928570