0
Friday 30 Apr 2021 23:44

وزیر اعظم کا دورہ گلگت

اسلام ٹائمز۔ وزیر اعظم عمران خان نے گلگت کا ایک روزہ دورہ کیا۔ ان کے ہمراہ وفاقی وزیر پلاننگ اسد عمر، وزیر امور کشمیر علی امین گنڈاپور اور ڈاکٹر ثانیہ نشتر بھی موجود تھیں۔ وزیر اعظم نے اپنے دورے کے دوران جی بی کیلئے 370 ارب روپے کے پانچ سالہ ترقیاتی پیکج کا اعلان کیا، ساتھ ہی انہوں نے گلگت میں کئی اہم منصوبوں کا افتتاح بھی کیا۔ گلگت میں تقریب سے خطاب کرتے ہوئے وزیر اعظم عمران خان کا کہنا تھا کہ مجھ سے بڑے غلط فیصلے بھی ہو جاتے ہیں، ماضی میں ٹکٹ دینے میں کئی غلطیاں ہوئیں، ٹکٹ دینے میں غلط فیصلے پراکثر سوچتا رہتا ہوں، آج سوچتا ہوں فلاں کو وفاقی وزیر کیوں بنایا، کسے وزارت دینی چاہیے تھی اور کسے ٹکٹس دینے چاہیے تھے، کچھ لوگ اپنی ذات کو فائدہ پہنچانے کیلئے اقتدار میں آتے ہیں، اقتدار میں آکر یہ لوگ پیسہ ملک سے باہر بھیجتے ہیں، پیسہ چوری کر کے بیرون ملک لے جانے والے دہرا نقصان پہنچاتے ہیں، گلگت بلتستان سوئٹزر لینڈ سے اچھا علاقہ ہے، ہمارے حکمرانوں نے ہمیشہ اسے نظرانداز کیا، جی بی میں سیاحت میں ترقی سے ملک کو فائدہ ہوگا، سیاحت کے فروغ کے لیے منصوبے کے تحت کام کرنے کی ضرورت ہے۔
خبر کا کوڈ : 930077
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش