اسرائیلی جارحیت کیخلاف کراچی میں فنکاروں کا احتجاج

اسلام ٹائمز۔ فلسطین میں جاری اسرائیلی مظالم اور مسجد اقصیٰ کی بےحرمتی کے خلاف کراچی کی شوبز انڈسٹری کی جانب سے احتجاجی مظاہرہ کیا گیا۔ کراچی پریس کلب کے باہر منعقدہ احتجاج میں بین الاقوامی شہرت یافتہ فنکار بھی شریک ہوئے جنہوں نے مظلوم فلسطینیوں کی حمایت، بیت المقدس کی آزادی اور اسرائیلی جارحیت کیخلاف شدید نعرے بازی کی۔ فنکاروں نے ہاتھوں میں پلے کارڈز بھی اٹھا رکھے تھے، جن پر مختلف نعرے درج تھے۔ احتجاج کے موقع پر گفتگو کرتے ہوئے ماہرہ خان، عائشہ عمر سمیت دیگر فنکاروں نے غزہ کے مسلمانوں کی استقامت کو سراہتے ہوئے مسلم حکمرانوں سے مطالبہ کیا کہ وہ اسرائیل سے تعلقات بنانے کے بجائے فلسطین کی آزادی کیلئے مزاحمتی تنظیموں کا ساتھ دیں۔