اسلام ٹائمز - لاہور، سول سوسائٹی کی اسرائیل مخالف ریلی

لاہور پریس کلب کے سامنے اسرائیل مخالف ریلی میں شرکاء نے حکومت سے اسرائیلی مصنوعات اور اس سے وابستہ کمپنیوں پر پابندی عائد کرنے کا مطالبہ کیا۔

اسلام ٹائمز۔ لاہور پریس کلب کے سامنے فلسطینیوں سے اظہار یکجہتی کیلئے عورت مارچ فورم، خدمت خلق موومنٹ اور پروگریسیو اسٹوڈنٹس کولیکٹیو کی جانب سے ریلی نکالی گئی۔ ریلی کے شرکاء نے اپنے مخصوص انداز میں اسرائیلی جارحیت کے خلاف نعرے بازی بھی کی۔ اس موقع پر سماجی کارکن عمار علی جان نے اسلام ٹائمز سے خصوصی گفتگو کرتے ہوئے کہا کہ اسرائیل 70 سال سے فلسطین پر ظلم ڈھا رہا ہے، ہم جانتے ہیں کہ وہ اپنے مظالم سے باز نہیں آئے گا۔ حقیقی فتح تب ہوگی جب اسرائیل اس خطے سے نکلے گا۔ ریلی کے شرکاء نے حکومت سے اسرائیلی مصنوعات اور اس سے وابستہ کمپنیوں پر پابندی عائد کرنے کا مطالبہ بھی کیا۔