QR Code

کراچی میں برسی امام خمینیؒ کا مرکزی اجتماع

12 Jun 2021 22:24

اجتماع میں علامہ شہنشاہ حسین نقوی، علامہ امین شہیدی، علامہ ناظر عباس تقوی، علامہ باقر عباس زیدی اور علامہ نثار قلندری نے خطاب کیا اور حضرت امام خمینیؒ کی حیات طیبہ اور انکی تحریک و جدوجہد کے مختلف پہلوؤں پر روشی ڈالی۔

اسلام ٹائمز۔ بانی انقلاب اسلامی حضرت امام خمینیؒ کی 32ویں برسی کی مناسبت سے کراچی کے علاقے جعفرطیار سوسائٹی کی مرکزی امام بارگاہ میں ایک اجتماع منعقد ہوا، جس میں علمائے کرام و شہریوں نے کثیر تعداد میں شرکت کی، اجتماع میں علامہ شہنشاہ حسین نقوی، علامہ امین شہیدی، علامہ ناظر عباس تقوی، علامہ باقر عباس زیدی اور علامہ نثار قلندری نے خطاب کیا اور حضرت امام خمینیؒ کی حیات طیبہ اور انکی تحریک و جدوجہد کے مختلف پہلوؤں پر روشی ڈالی۔ اس موقع پر منقبت و نوحہ حضرات نے ولادت باسعادت حضرت بی بی معصومہ قمؑ کی مناسبت سے بھی خصوصی منقبت و کلام پیش کئے۔ برسی امام خمینیؒ کے اجتماع کے موقع پر سقائے سکینہؑ سبیل کمیٹی کی جانب سے شرکاء کیلئے سبیل اور چائے کا انتظام بھی کیا گیا۔ اجتماع کی میزبانی علمائے جعفرطیار سوسائٹی، امامیہ اسٹوڈنٹس آرگنائزیشن، مجلس وحدت مسلمین، شیعہ علماء کونسل اور پیام ولایت فاؤنڈیشن نے کی، منتظمین کے زیراہتمام حضرت امام خمینیؒ سے متعلق ایک تصویری نمائش کا بھی اہتمام کیا گیا۔

خبر کا کوڈ: 937746