QR Code
کوئٹہ، بہشت زینب (س) میں دعائے عرفہ کا انعقاد
20 Jul 2021 20:09
یوم عرفہ کے موقع پر دعا خوانی کا فریضہ امام جمعہ کوئٹہ علامہ سید ہاشم موسوی اور دیگر دعا خوانوں نے سرانجام دیا۔ دعا کے بعد سفیر امام حسینؑ کی یاد تازہ کی گئی اور مسلم بن عقیل (ع) کی شہادت پر نوحہ خوانی کی گئی۔
اسلام ٹائمز۔ ابو تراب اوپن اسکاؤٹس کی جانب سے یوم عرفہ اور شہادت حضرت مسلم بن عقیل (ع) کے موقع پر کوئٹہ کے ہزارہ قبرستان (بہشت زینب (س)) کے مقام پر دعائے عرفہ کا انعقاد کیا گیا، جس میں نوجوانوں، بزرگوں، بچوں اور خواتین کی کثیر تعداد نے شرکت کی۔ دعا خوانی کا فریضہ امام جمعہ کوئٹہ علامہ سید ہاشم موسوی اور دیگر دعا خوانوں نے سرانجام دیا۔ اس موقع پر ابو تراب اوپن اسکاوٹس کے گروپ لیڈر اور دیگر عہدیداران اپنے مقرر کردہ فرائض انجام دینے میں مصروف تھے۔ دعا کے بعد سفیر امام حسینؑ کی یاد تازہ کی گئی اور مسلم بن عقیل (ع) کی شہادت پر نوحہ خوانی کی گئی۔ آخر میں وطن عزیز پاکستان کی سلامتی کی دعا کی گئی اور اجتماع کا اختتام دعائے امام زمانہ (عج) سے ہوا۔
خبر کا کوڈ: 944378