گلگت بلتستان قومی بیانیہ کانفرنس

اسلام ٹائمز۔ اسلامی تحریک گلگت بلتستان کے زیراہتمام آئینی حقوق کے معاملے پر سکردو میں ''گلگت بلتستان کا قومی بیانیہ'' کے عنوان سے آل پارٹیز کانفرنس منعقد کی گئی جس میں سیاسی و دینی جماعتوں اور سول سوسائٹی کے نمائندے شریک ہوئے۔ کانفرنس کے بعد جاری کئے گئے مشترکہ اعلامیے میں مطالبہ کیا گیا کہ گلگت بلتستان کے مجوزہ آئینی صوبے کے مسودے کو صوبائی اسمبلی میں پیش کیا جائے اور یہاں کے عوام کو مسودے پر اعتماد میں لیا جائے۔ یہاں کے عوام کو اعتماد لینے کے بعد مسودے کو قومی اسمبلی میں پیش کیا جائے، قومی اسمبلی میں تین سے زائد نشستیں دی جائیں، صرف تین نشستیں ہمارے ساتھ مذاق ہیں، ہم چاہتے ہیں کہ آئینی صوبے کے مسودے کو پبلک کیا جائے، بصورت دیکر یہاں کے عوام مسودے کو مسلط شدہ فیصلہ سمجھیں گے۔ مالیاتی اداروں میں ہمیں نمائندگی دی جائے۔ دیگر صوبوں کے عوام کے برابر مراعات اور حقوق دئیے جائیں۔ امید ہے کہ حکومت ہمارے تحفظات دور کرے گی۔