اسلام ٹائمز - لاہور، المصطفےٰ آئی ہسپتال کی پہلی سالگرہ کے موقع پر خصوصی تقریب

لاہور، المصطفےٰ آئی ہسپتال کی پہلی سالگرہ کے موقع پر خصوصی تقریب

تقریب کی صدارت ادارہ تعلیمات اسلامیہ کے سرپرست اعلیٰ علامہ پیر سید ریاض حسین شاہ نے کی جبکہ سندھ کی وزیر ترقی خواتین شہلا رضا، وفاقی وزیر پیر نورالحق قادری، المصطفےٰ ویلفیئر ٹرسٹ انٹرنیشنل کے چیئرمین عبدالرزاق ساجد، سہیل وڑائچ سمیت اہم سماجی، سیاسی، کاروباری، ادبی، صحافتی اور علمی شخصیات شامل تھیں۔

اسلام ٹائمز۔ لاہور کے مقامی ہوٹل میں المصطفےٰ آئی ہسپتال کی پہلی سالگرہ کے موقع پر خصوصی تقریب منعقد ہوئی۔ تقریب کی صدارت ادارہ تعلیمات اسلامیہ کے سرپرست اعلیٰ علامہ پیر سید ریاض حسین شاہ نے کی جبکہ مقررین میں سندھ کی وزیر ترقی خواتین شہلا رضا، وفاقی وزیر پیر نورالحق قادری المصطفےٰ ویلفیئر ٹرسٹ انٹرنیشنل کے چیئرمین عبدالرزاق ساجد، سہیل وڑائچ، نون لیگ کے رہنما میاں مرغوب احمد (ایم پی اے)، پیپلز پارٹی پنجاب کے جنرل سیکرٹری سید حسن مرتضےٰ، ڈاکٹر راغب حسین نعیمی، ارشاد احمد عارف، انجمن طلباء اسلام کے مرکزی صدر رمیض راجہ، پنجاب بار کونسل کی ایگزیکٹو کمیٹی کے چیئرمین افضل دھرالہ ایڈووکیٹ، چوہدری منور انجم، آل پاکستان انجمن تاجران کے سیکرٹری جنرل محمد نعیم میر، قاسم ضیاء، اسلم گل۔

المصطفے آئی ہسپتال کے صدر طارق حمید فضل، مجلس ترقی ادب کے چیئرمین منصور آفاق، المصطفےٰ کی ایم ڈی صدف جاوید، رضوانہ لطیف، پروفیسر ڈاکٹر ناصر چودھری، تجمل گرمانی، نصرت سلیم، نواز کھرل اور دیگر شامل تھے۔ اس موقع پر وفاقی وزیر پیر نورالحق قادری کا کہنا تھا کہ اسلام کی تعلیمات کا مرکز و محور دُکھی انسانیت کی خدمت کرنا ہے۔ المصطفےٰ ویلفیئر ٹرسٹ کی عالمگیر فلاحی خدمات لائق تحسین ہیں۔ علامہ پیر سید ریاض حسین شاہ نے کہا کہ مسائل زدہ انسانوں کے درد بانٹنا سب سے بڑی نیکی ہے۔ بیمار اور لاچار انسانیت کو ریلیف فراہم کرنا ہمارا دینی اور معاشرتی فریضہ ہے۔ دنیا و آخرت میں سرخروئی کے لئے خدمت خلق کو شعار بنانا ہوگا۔