QR Code

لاہور، "شہداء ملت، نقطہ وحدت و اشتراک ملت" سیمینار

31 Dec 2021 21:54

قومی مرکز میں منعقدہ سیمینار سے خطاب میں مقررین کا کہنا تھا کہ ملت جعفریہ سے گزارش ہے کہ بیدار ہوں اور اہلسنت برادران کیساتھ اچھے رابطے ہونے چاہیں۔ انہوں نے کہا کہ دشمن کو موقع نہ دیں۔ عزاداری کے دفاع کیلئے ہمیں متحد ہونا ہوگا، اگر ہم متحد نہ ہوئے تو ہم اپنے حقوق سے بھی محروم کر دیئے جائیں گے۔

اسلام ٹائمز۔ ادارہ فروغ آثار شہداء افکار اور خانوادہ شہید ذوالفقار حسین نقوی و شہید عمار حیدر نقوی سیمینار بعنوان "شہداء ملت، نقطہ وحدت و اشتراک ملت" کے عنوان سے سیمینار منعقد ہوا۔ جس میں مرکزی ڈپٹی جنرل سیکرٹری شیعہ علماء کونسل پاکستان سید مصور حسین نقوی، علامہ سید حسین نجفی، اسلامک ڈیموکریٹک فرنٹ کے چیئرمین سید منیر حسین گیلانی، مجلس وحدت مسلمین پاکستان کے ڈپٹی سیکرٹری جنرل علامہ احمد اقبال رضوی، ایس یو یس پنجاب کے نائب صدر حافظ کاظم رضا نقوی، سابق چیئرمین آئی او پاکستان لعل مہدی خان، مرکزی نائب صدر آئی ایس او پاکستان حسن عارف، شہید ذوالفقار حسین کے فرزند شہباز حیدر، غضنفر علی رضوی، قاسم علی قاسمی سمیت دیگر رہنماوں نے شرکت کی۔ نظامت کے فرائض سید انجم رضا نے سرانجام دیئے۔

خبر کا کوڈ: 971370