ملتان، آئی ایس او کا پہلا اجلاس عمومی

اسلام ٹائمز۔ امامیہ اسٹوڈنٹس آرگنائزیشن پاکستان ملتان ڈویژن کا پہلا اجلاس عمومی برائے سال ''احیائے فکر مہدویت'' جامع مسجد الحسین گلشن مارکیٹ نیو ملتان میں جاری ہے، اجلاس عمومی میں ملتان ڈویژن کے تمام یونٹس صدور و اراکین، نامزد ڈویژنل کابینہ، اراکین ذیلی نظارت، علمائے کرام اور سینیئرز موجود ہیں۔ اجلاس میں سالانہ پروگرام اور ڈویژنل کابینہ کی منظوری دی جائے گی۔ اجلاس سے مرکزی صدر آئی ایس او پاکستان زاہد مہدی، مجلس وحدت مسلمین پاکستان کے مرکزی ڈپٹی سیکرٹری علامہ سید احمد اقبال رضوی، مرکزی سیکرٹری سیاسیات سید اسد عباس نقوی، آئی ایس او پاکستان کے سابق مرکزی جنرل سیکرٹری جواد جعفری، سابق ڈویژنل صدر علامہ غضنفر حیدری، مولانا اعجاز حسین بہشتی، علامہ اقتدار حسین نقوی، سیکرٹری نظارت ثقلین ظفر، ڈویژنل صدر جوہر عباس، زعیم زیدی سمیت دیگر نے شرکت کی۔