محمد بن سلمان جیسے متنازعہ شخص کا دورہ پاکستانی عوام میں بے چینی پیدا کرسکتا ہے، علامہ سید عبدالحسین

 

علامہ سید عبدالحسین: غیر ملکی سربراہان مملکت اور اہم سرکاری شخصیات کے دورہ جات ہوتے رہتے ہیں، لیکن یہاں مسئلہ یہ ہے کہ یہ شخص عالمی سطح پر متنازعہ حیثیت رکھتا ہے، یہ شخص تو براہ راست ہزاروں لوگوں کے قتل میں ملوث ہے۔ آپ صحافی جمال خاشقجی کا قتل دیکھ لیں، آپ یمن میں قتل عام دیکھ لیں۔ میں سمجھتا ہوں کہ اس متنازعہ شخص کا پاکستان آنا مناسب نہیں۔ اس سے یہاں کے عوام میں بے چینی پیدا ہوسکتی ہے۔

 

علامہ سید عبدالحسین: دیکھیں، سعودی عرب کا اب تک اسلامی ممالک کیساتھ تعلقات کا جو سلسلہ ہے، وہ بہت پیچیدہ رہا ہے، دو ممالک کے مابین تجارت ہونا، ایک دوسرے کے ملک کے عوام کو فائدہ پہنچنا، اقتصادی ترقی کرنا، یہ سب باتیں تو اچھی ہیں، مگر سعودی عرب دوسرے ممالک میں تعلقات کی آڑ میں مداخلت کرتا ہے، اپنا نظریہ تھوپنے کی کوشش کرتا ہے۔ یہ چیز خطرناک اور ہمارے لئے ناقابل قبول ہے۔

 

علامہ سید عبدالحسین: باہر سے آنے والا ہمارا مہمان ہوتا ہے، لیکن اگر محمد بن سلمان جیسا بندہ آئے تو بعض اوقات مہمان نوازی پیچھے رہ جاتی ہے۔ ان کی آمد پر وہ طبقات جو سعودی پالیسیوں سے اختلاف رکھتے ہیں، وہ سڑکوں پر آسکتے ہیں، اگر سعودی حکومت اس بارے میں نہیں سوچتی تو حکومت پاکستان کو سوچنا چاہیئے۔

 

علامہ سید عبدالحسین: ان کے دورہ کے موخر یا نہ ہونے کے امکانات تو بہت کم ہیں، تاہم پھر بھی حکومت پاکستان کو جائزہ لینا چاہیئے۔ کوئی اور سعودی شخصیت آتی تو شائد کوئی مسئلہ نہ ہوتا۔ محمد بن سلمان کی عزت افزائی تو آپ نے اس وقت بھی دیکھی ہوگی کہ جب کئی سربراہان مملکت نے ایک اہم اجلاس میں ان سے ہاتھ ملانا بھی گوارہ نہ کیا۔

 

علامہ سید عبدالحسین: یہ تو ہماری حکومت پر منحصر ہے، سرمایہ کاری اور تجارت ضرور ہو، لیکن مداخلت اور لابنگ نہیں ہونی چاہیئے۔ ہم کہتے ہیں کہ پاکستان کے ہر ملک کے ساتھ اچھے تعلقات ہوں، تاہم یہ تعلقات برابری اور ملکی مفادات کی بنیاد پر ہونے چاہئیں۔

 

علامہ سید عبدالحسین: حکومت پاکستان کو پاکستانی عوام کے مزاج کو دیکھتے ہوئے محتاط انداز میں چلنا چاہیئے۔ پاکستان کے عوام کی اکثریت امت مسلمہ میں سعودی عرب سے زیادہ ایران کے کردار کو مثبت انداز میں دیکھتی ہے۔ ایران کی امت مسلمہ کے مفادات میں دوٹوک موقف، امریکہ اور اسرائیل کے سامنے نہ جھکنا، بے داغ قیادت اور دیگر چیزیں ایسی ہیں، جو سعودی عرب میں نہیں۔ یہاں شیعہ، سنی کی تفریق کے بغیر اس حقیقت کو تسلیم کیا جاتا ہے۔

 

علامہ سید عبدالحسین: اگر ایسا ممکن ہوتا ہے تو ہماری حکومت کو انتہائی سمجھداری کا مظاہرہ کرنا چاہیئے، کوئی ایسی ڈیل نہیں ہونی چاہیئے، جو ملکی حالات اور سیاسی صورتحال پر اثرانداز ہو۔ صرف اور صرف پاکستان کے مفاد کی بات ہونی چاہیئے۔ پاکستان پر کسی ملک کی گرفت اور مداخلت نہیں ہونی چاہیئے، پاکستان کو چاہیئے کہ وہ سعودی قیادت سے دہشتگردی، فرقہ پرستی جیسے معاملات پر بھی کھل کر بات کرے۔