QR Code

نیب کا غلط استعمال کیا گیا، اگر ترمیم ہوئی ہے تو صحیح ہے، سعید غنی

25 Jun 2022 23:12

نجی تعلیمی ادارے میں خطاب کرتے ہوئے سندھ کے صوبائی وزیر نے کہا کہ ہم پر الزامات لگائے جاتے تھے کہ کیسز ختم کرنے کے لئے نیب ختم کررہے ہیں، پی ٹی آئی خود اقتدار میں آئی تو محسوس کیا کہ کئی قوانین غلط ہیں۔

اسلام ٹائمز۔ پاکستان پیپلز پارٹی کے رہنما اور صوبائی وزیر سعید غنی کا کہنا ہے کہ پاکستان تحریک انصاف کے نیب قوانین پر اعتراضات غلط ہیں۔ نجی تعلیمی ادارے میں کمپیوٹر سائنس کی نمائش کے موقع پر خطاب کرتے ہوئے سعید غنی نے کہا کہ پاکستان تحریک انصاف حکومت نے متنازع قانون سازی کی تھی، الیکشن قوانین پر الیکشن کمیشن کو بھی اعتراض تھا۔ صوبائی وزیر کا کہنا تھا کہ خوشی ہے کہ قانون سازی میں کسی اسٹیک ہولڈر سے مشاورت نہیں کی، پیپلز پارٹی نیب قوانین پر 10، 12 سال سے اعتراض کررہی تھی۔

انہوں نے کہا کہ ہم پر الزامات لگائے جاتے تھے کہ کیسز ختم کرنے کے لئے نیب ختم کررہے ہیں، پی ٹی آئی خود اقتدار میں آئی تو محسوس کیا کہ کئی قوانین غلط ہیں۔ ان کا کہنا تھا کہ نیب کا غلط استعمال کیا گیا، اگر ترمیم ہوئی ہے تو صحیح ہے۔ سعید غنی نے کہا کہ پی ٹی آئی نے ماضی میں جو کچھ کیا وہ سب کے سامنے ہے، ان کے لوگوں نے خود کہا کہ بارودی سرنگیں بچھائیں۔ صوبائی وزیر کا یہ بھی کہنا تھا کہ طلباء اپنی محنت سے نام روشن کررہے ہیں۔

خبر کا کوڈ: 1001118