0
Sunday 26 Jun 2022 23:33

حسین امیر عبداللہیان سوموار کے روز انقرہ کا دورہ کرینگے، ترک وزارت خارجہ

حسین امیر عبداللہیان سوموار کے روز انقرہ کا دورہ کرینگے، ترک وزارت خارجہ
اسلام ٹائمز۔ ترکی کی وزارت خارجہ نے اعلان کیا ہے کہ ایرانی وزیر خارجہ حسین امیر عبداللہیان کل سوموار کے روز ترکی کے دورے پر انقرہ پہنچیں گے۔ فرانسیسی خبررساں ایجنسی کے مطابق آج رات کے وقت جاری ہونے والے اس بیان میں کہا گیا ہے کہ دوطرفہ معاملات اور اسی طرح خطے کے و بین الاقوامی مسائل پر گفتگو کے لئے حسین امیر عبداللہیان سوموار کے روز ترکی کا دورہ کریں گے۔

واضح رہے کہ ایرانی وزیر خارجہ کی جانب سے ترکی کا یہ دورہ، اسرائیل کی جانب سے ایران کے خلاف "ترکی میں اسرائیلی سیاحوں کے خلاف دہشتگردانہ حملوں" کا الزام عائد کرنے اور اسرائیلی وزیرخارجہ کے دورۂ انقرہ کے بعد انجام پا رہا ہے۔ یاد رہے کہ ایرانی وزارت خارجہ کے ترجمان سعید خطیب زادہ نے ترک وزیر خارجہ مولود چاووش اوغلو کے ساتھ اپنی حالیہ مشترکہ پریس کانفرنس میں اسرائیلی الزامات کا جواب دیتے ہوئے انہیں مضحکہ خیز اور 2 مسلم ممالک کے تعلقات کو سبوتاژ کرنے کی سازش قرار دیا تھا۔
خبر کا کوڈ : 1001275
رائے ارسال کرنا
آپ کا نام

آپکا ایمیل ایڈریس
آپکی رائے

منتخب
ہماری پیشکش