0
Wednesday 29 Jun 2022 01:01

روس نے جوبائیڈن کی اہلیہ اور بیٹی سمیت 25 امریکیوں پر پابندی عائد کردی

روس نے جوبائیڈن کی اہلیہ اور بیٹی سمیت 25 امریکیوں پر پابندی عائد کردی
اسلام ٹائمز۔ روس نے امریکی خاتون اوّل جل بائیڈن اور ان کی بیٹی سمیت 25 امریکیوں پر سفری پابندی عائد کردی۔ عالمی خبر رساں ادارے کے مطابق روس نے امریکا کی سیاسی شخصیات اور تاجروں کے خلاف پابندیوں میں مسلسل توسیع کو جاری رکھتے ہوئے مزید 25 امریکیوں پر پابندی عائد کردی۔ جن امریکی شخصیات کو اسٹاپ لسٹ میں شامل کیا گیا ہے اُن میں صدر جوبائیڈن کی اہلیہ اور بیٹی بھی شامل ہیں۔ اسٹاپ لسٹ میں امریکی سینیٹرز سوسن کولنز، میک کونل، چارلس گراسلی اور کرسٹن گلیبرانڈ بھی شامل ہیں۔ اس کے علاوہ پروفیسرز، محققین اور حکومتی حکام بھی شامل ہیں۔روس کے یوکرین پر حملے کے بعد سے امریکا کی جانب سے صدر پوٹن اور روس پر مسلسل پابندیاں عائد کی جا رہی ہیں۔ یورپی یونین سمیت مغربی ممالک نے بھی تجارتی اور اقتصادی پابندیاں عائد کی ہیں۔ روس نے ان پابندیوں کے جواب میں سخت ردعمل اپناتے ہوئے جوابی پابندیاں عائد کی ہے اور یوکرین پر مسلسل حملے بھی جاری رکھے ہوئے ہیں۔
خبر کا کوڈ : 1001692
رائے ارسال کرنا
آپ کا نام

آپکا ایمیل ایڈریس
آپکی رائے

منتخب
ہماری پیشکش