اسلام ٹائمز - بحیرہ کیسپین کے 5 ممالک کیدرمیان قریبی فوجی تعاون عنقریب شروع ہو جائیگا، سرگئے لاؤروف

بحیرہ کیسپین کے 5 ممالک کیدرمیان قریبی فوجی تعاون عنقریب شروع ہو جائیگا، سرگئے لاؤروف

ایک پریس کانفرنس سے خطاب میں روسی وزیر خارجہ نے تاکید کی ہے کہ بحیرۂ کسیپین کے ہمسایہ ممالک کیدرمیان قریبی فوجی تعاون کے پہلے مرحلے میں عسکری سرگرمیوں کے حوالے سے ہمسایہ ممالک کیدرمیان اعتماد کی فضاء قائم کی جائیگی

اسلام ٹائمز۔ روسی وزیر خارجہ سرگئے لاؤروف نے اعلان کیا ہے کہ بحیرۂ کیسپین کے ہمسایہ ممالک کے درمیان قریبی عسکری تعاون کا عنقریب آغاز ہو جائے گا۔ اس حوالے سے گذشتہ شب میڈیا کے ساتھ گفتگو کرتے ہوئے روسی وزیر خارجہ کا کہنا تھا کہ بحیرۂ کیسپین (خزر) کے 5 ہمسایہ ممالک (روس، ایران، قزاقستان، جمہوریہ آذربائیجان و ترکمنستان) نے اعتماد کی فضاء قائم کرنے اور بحیرۂ کیسپین میں گہرے عسکری تعاون پر مبنی معاہدوں پر جلد از جلد عملدرآمد سے متعلق اتفاق کر لیا ہے۔

روسی خبررساں ایجنسی ٹاس کے مطابق ایک پریس کانفرنس سے خطاب کرتے ہوئے سرگئے لاؤروف کا کہنا تھا کہ فوجی تعاون! ہم نے اس میدان میں قریبی تعاون کی اہمیت پر زور دیا ہے جبکہ پیشکش دی گئی ہے کہ بحیرۂ کیسپین کے ہمسایہ ممالک کے درمیان عسکری سرگرمیوں میں اعتماد کی توسیع کے معاہدے پر جلد از جلد عملدرآمد شروع کر دیا جائے۔ روسی وزیر خارجہ نے مزید کہا کہ اس دوران تمام فریقوں نے کسی بھی قسم کے ابہام کے بغیر بحیرۂ کیسپین کی اصلی حالت سے متعلق کنونشن پر تاکید کی ہے اور وہ یہ کہ یہاں بحیرۂ کیسپین کے باہر موجود ممالک کی کسی بھی قسم کی فوجی موجودگی قابل گفت و شنید نہیں!

سرگئے لاؤروف کا کہنا تھا کہ مجموعی طور پر کشتیرانی کے حوالے سے، غیر فوجی کشتیرانی سمیت، فیصلہ یہ کیا گیا ہے کہ بحیرۂ کیسپین کی اصلی حالت سے متعلق کنونشن کی بنیاد پر یہاں صرف وہی کشتیاں چل سکیں گی جن پر بحیرۂ کیسپین کے ہمسایہ ممالک میں سے کسی ایک کا پرچم نصب ہو گا۔ روسی وزیر خارجہ نے اس حوالے سے اپنی گفتگو کے آخر میں کہا کہ یہ اصول بحیرۂ کیسپین میں داخل اور وہاں سے خارج ہونے والی تمام کشتیوں سے متعلق ہے اور ہم نے یہاں بڑی وضاحت کے ساتھ اس کی حمایت کی ہے!