0
Thursday 30 Jun 2022 23:43

پاک قطر دوستانہ تعلقات پائیدار شراکت داری میں تبدیل ہورہے ہیں، آرمی چیف

پاک قطر دوستانہ تعلقات پائیدار شراکت داری میں تبدیل ہورہے ہیں، آرمی چیف
اسلام ٹائمز۔ آرمی چیف جنرل قمر جاوید باجوہ نے کہا ہے کہ پاکستان اور قطر دوستانہ تعلقات پائیدار شراکت داری میں تبدیل ہو رہے ہیں، پاک فوج کے شعبہ تعلقات عامہ (آئی ایس پی آر) کے مطابق قطر کے سرکاری دورے کے موقع پر آرمی چیف جنرل قمر جاوید باجوہ نے قطر کے امیر شیخ تمیم بن حمد الثانی اور نائب وزیراعظم و وزیر دفاع اعلیٰ ڈاکٹر خالد بن محمد العطیہ سے ملاقات کی۔ ملاقات میں باہمی دلچسپی کے امور، دفاعی اور سیکیورٹی تعاون اور علاقائی ماحول پر تبادلہ خیال کیا گیا۔ اس موقع پر گفتگو کرتے ہوئے آرمی چیف جنرل قمر جاوید باجوہ کا کہنا تھا کہ دونوں ممالک دوستانہ تعلقات اور بھائی چارے کے گہرے جذبے کی عظیم تاریخ رکھتے ہیں، دونوں ممالک کے تعلقات پائیدار شراکت داری میں تبدیل ہو رہے ہیں۔ ملاقات کے دوران شرکاء نے تمام شعبوں میں تعاون کو مزید بڑھانے کی اہمیت پر زور دیا، خطے میں امن و استحکام کے لیے پاکستان کی مسلسل کوششوں کو سراہتے ہوئے دونوں برادر ممالک کے درمیان بہتر تعلقات کے لیے کام جاری رکھنے کا عہد کیا۔
خبر کا کوڈ : 1002041
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش