ڈنمارک، کوپن ہیگن کے شاپنگ مال میں فائرنگ، 3 افراد ہلاک

اسلام ٹائمز۔ ڈنمارک کے دارالحکومت کوپن ہیگن کے شاپنگ مال میں فائرنگ سے 3 افراد ہلاک اور 3 زخمی ہو گئے۔ غیرملکی میڈیا کے مطابق پولیس نے 22 سالہ ملزم کو گرفتار کر لیا ہے۔ واقعے سے متعلق پولیس چیف نے دہشت گردی کی کارروائی کا خدشہ ظاہر کیا ہے۔ غیر ملکی خبر رساں ایجنسی کے مطابق فائرنگ کے واقعے کے بعد ایئرپورٹ اور دیگر علاقوں میں پولیس کی بھاری نفری کو تعینات کر دیا گیا ہے۔