اسلام ٹائمز۔ فیصل آباد میں موٹر سائیکل سوار ملزمان نے فائرنگ کر کے کار سوار ڈاکٹر اور اس کے بیٹے کو قتل کر دیا۔ پولیس کے مطابق سمندری کے نجی اسپتال کے مالک ڈاکٹر عتیق اپنے بیٹے ابراہیم کے ہمراہ کار میں جا رہے تھے کہ چک 228 گ ب کے قریب نامعلوم موٹرسائیکل سواروں نے فائرنگ کر کے دونوں باپ بیٹے کو قتل کر دیا اور فرار ہو گئے۔ پولیس نے لاشیں تحویل میں لے کر پوسٹ مارٹم کے لیے اسپتال منتقل کر دیں اور واقعے کی تحقیقات شروع کر دی ہیں۔ پولیس کا کہنا ہے کہ باپ بیٹے کے قتل کی وجہ اور واردات میں ملوث ملزمان کے بارے میں فوری طور پر کوئی شواہد نہیں مل سکے ہیں۔ دوسری جانب آر پی او بابر سرفراز نے دوہرے قتل کا نوٹس لے کر متعلقہ افسر سے رپورٹ طلب کر لی۔