اسلام ٹائمز۔ صدر مملکت ڈاکٹر عارف علوی نے عدالت عالیہ بلوچستان میں 5 ایڈیشنل ججز کی تعیناتی کی منظوری دے دی ہے۔ ایڈووکیٹ اقبال احمد کاسی، ایڈووکیٹ شوکت علی رخشانی، ایڈووکیٹ گل حسن ترین، محمد عامر نواز رانا اور سردار احمد علیمی کی بطور ایڈیشنل جج تعیناتی کی منظوری دی گئی ہے۔ صدر مملکت نے تعیناتی کی منظوری جوڈیشل کمیشن آف پاکستان کی سفارشات کی روشنی میں وزیراعظم کی ایڈوائس پر دی۔ صدر مملکت نے تعیناتیوں کی منظوری آئین کے آرٹیکل 175 اے کے تحت دی۔