لاہور پولیس نے عاشورا کے جلوس کی فضائی نگرانی کیلئے ہیلی کاپٹر مانگ لیا

اسلام ٹائمز۔ لاہور پولیس اور ضلعی انتظامیہ نے نو اور دس محرم کے جلوسوں کی سکیورٹی اور فضائی نگرانی کیلئے ہیلی کاپٹر مانگ لیا۔ ذرائع کے مطابق لاہور پولیس اور ضلعی انتظامیہ نے وفاقی حکومت کو مراسلہ بھجوایا ہے جس میں مطالبہ کیا گیا ہے کہ لاہور میں نو اور دس محرم الحرام کو مرکزی جلوس برآمد ہوتے ہیں، جن کی نگرانی کیلئے ہیلی کاپٹر فراہم کیا جائے۔