اسلام ٹائمز۔ ہفتم محرم کا جلوس آج کوئٹہ کے علاقہ میکانگی روڈ پر واقع امامبارگاہ ناصر العزاء سے برآمد ہوا۔ جس میں متعدد ماتمی دستوں نے نوحہ خوانی اور ماتمداری کی۔ ماتمی جلوس پرنس روڈ سے لیاقت بازار، پھر آرچر روڈ اور پرنس روڈ سے ہوتے ہوئے واپس میکانگی روڈ پر آیا اور امامبارگاہ ناصر العزاء پر اختتام پذیر ہوا۔ سکیورٹی ذرائع کے مطابق جلوس کے روٹس پر تین ہزار پولیس اور ایف سی جوانوں کے ساتھ اسنائپر شوٹرز بھی سکیورٹی پر تعینات تھے۔ جو عزاداروں کی کڑی نگرانی کر رہے تھے۔ جلوس کے روٹس پر دکانیں اور کاروباری مراکز سیل کر دئیے گئے تھے۔