پاکستانی روپے کے مقابل امریکی ڈالر مسلسل گراوٹ کا شکار

اسلام ٹائمز۔ امریکی ڈالر لمبی اڑان بھرنے کے بعد مسلسل گراوٹ کا شکار ہے، جبکہ پاکستانی روپیہ استحکام کی طرف گامزن ہے۔ انٹر بینک میں جمعرات کو امریکی ڈالر 2 روپے 91 پیسے سستا ہو کر 219 روپے کا ہوگیا۔ اوپن مارکیٹ میں بھی ڈالر کی قیمت 1 روپے کم ہوگئی، جس کے بعد 1 امریکی ڈالر 217 روپے کا ہوگیا۔ اوپن مارکیٹ میں صارف سے ڈالر کی خریداری کا بھاؤ 215 روپے ہے۔ پاکستان اسٹاک ایکسچینج میں صبح کاروبار کا مثبت آغاز ہوا۔ پاکستان اسٹاک ایکسچینج کا 100 انڈیکس 118 پوائنٹس اضافے کے بعد 42612 ہوگیا۔