اسلام ٹائمز - پاکستان کے کئی شہر سمندر برد ہونے کا خدشہ

سیکریٹری آصف حیدر شاہ نے سینیٹ کی قائمہ کمیٹی کو بتایا کہ ہمارا سمندر چھتیس سے پچاس سینٹی میٹر تک بلند ہوسکتا ہے، جس کی وجہ سے ملک کے بڑے شہر سمندر برد ہونے کا خدشہ ظاہر کیا گیا ہے۔

اسلام ٹائمز۔ وزارت موسمیاتی تبدیلی نے پاکستان کے بڑے شہر سمندر برد ہونے کا خدشہ ظاہر کیا ہے۔ پارلیمنٹ ہاؤس اسلام آباد میں سینیٹ کی قائمہ کمیٹی برائے موسمیاتی تبدیلی کا اجلاس ہوا۔ سیکریٹری آصف حیدر شاہ نے سینیٹ کی قائمہ کمیٹی کو بتایا کہ ہمارا سمندر چھتیس سے پچاس سینٹی میٹر تک بلند ہوسکتا ہے، جس کی وجہ سے ملک کے بڑے شہر سمندر برد ہونے کا خدشہ ظاہر کیا گیا ہے۔ انہوں نے کہا کہ جلد کابینہ کو بھی اس خدشے سے آگاہ کردیں گے، تاہم بریفنگ کے دوران سیکریٹری کی جانب سے ان شہروں کی فی الحال نشاندہی نہیں کی گئی جس کو خدشہ لاحق ہے۔