ٹانک کے مختلف علاقوں میں سرکاری ریٹ پر آٹا کی فراہمی

اسلام ٹائمز۔ خیبر پختونخوا کے ضلع ٹانک کے مختلف علاقوں سرکاری ریٹ پر آٹا فراہم کیا گیا۔ تفصیلات کے مطابق فوڈ ڈیپارٹمنٹ ٹانک کی زیرنگرانی ضلع ٹانک کے علاقوں پٹھان کوٹ، شیخ آباد، آماخیل، درکی، کوٹ اعظم، گرہ مٹھو اور گرہ بلوچ میں آٹا سرکاری ریٹ پر تقسیم کیا گیا ہے، سرکاری ریٹ 980 روپے فی 20 کلو تھیلہ فروخت کیا جاتا ہے۔ اس موقع پر عوام نے لمبی قطاروں میں لگ کر آٹا خریدا۔ یاد رہے کہ بڑھتی ہوئی مہنگائی کی وجہ سے غریب عوام مہنگے داموں آٹا خریدنے سے قاصر ہیں، یہی وجہ ہے کہ سرکاری آٹا جہاں بھی فروخت کیلئے موجود ہو وہاں عوام کی لمبی لمبی قطاریں لگ جاتی ہیں۔