اسلام ٹائمز۔ کرم کے حلقہ این اے 45 ون پر ضمنی الیکشن لڑنے کیلئے پاکستان تحریک انصاف کے چیئرمین اور سابق وزیراعظم عمران خان کے کاغذات نامزدگی جمع کرا دیئے گئے۔ واضح رہے کہ الیکشن کمیشن کی جانب سے قومی اسمبلی کے نو حلقوں پر ضمنی الیکشن کرانے کے اعلان کے بعد عمران خان نے اعلان کیا تھا کہ وہ ان نو حلقوں پر بیک وقت الیکشن لڑیں گے۔ جس کے بعد پی ٹی آئی چیئرمین کی جانب سے ان حلقوں پر الیکشن لڑنے کیلئے کاغذات نامزدگی جمع کرائے جا رہے ہیں۔