اسلام ٹائمز - میری جان کو خطرہ ہے، عمران خان

اپنے ایک انٹرویو میں چیئرمین تحریک انصاف کا کہنا تھا کہ ہم نے کسی سے کچھ نہیں چھپایا، گزشتہ 4 ماہ میں جو مہنگائی آئی وہ سب کے سامنے ہے۔ سابق وزیراعظم کا یہ بھی کہنا تھا کہ پی ٹی آئی پورے پاکستان کی مقبول ترین جماعت ہے۔

اسلام ٹائمز۔ چیئرمن تحریک انصاف عمران خان نے کہا ہے کہ میری جان کو خطرہ ہے۔ پاکستان میں چوروں کا ٹولہ ہم پر مسلط کیا گیا ہے، عمران خان نے کہا کہ پاکستان کا آئین مجھے پرامن احتجاج کا حق دیتا ہے جبکہ انہوں نے بھی مہنگائی پر احتجاج کیا تھا۔ انہوں نے یہ بھی کہا کہ میری جان کو خطرہ ہے، یہ لوگ مجھے نااہل کرانا چاہتے ہیں۔ عمران خان کا کہنا تھا کہ ہم نے کسی سے کچھ نہیں چھپایا، گزشتہ 4 ماہ میں جو مہنگائی آئی وہ سب کے سامنے ہے۔ سابق وزیراعظم کا یہ بھی کہنا تھا کہ پی ٹی آئی پورے پاکستان کی مقبول ترین جماعت ہے۔ پی ٹی آئی کے چیئرمین نے کہا کہ 25 مئی کو لوگوں پر بدترین تشدد کیا گیا، 25 مئی کو اگر میں دھرنا دیتا تو ملک میں انتشار ہونا تھا۔ انہوں نے یہ بھی کہا کہ توشہ خانہ اور الیکشن کمیشن کا کیس احمقانہ ہے، ضمنی الیکشن میں شکست کے بعد ہمارے خلاف کیسز چلائے گئے جبکہ جب سے الیکشن جیتا یہ گھبرائے ہوئے ہیں۔