QR Code

ایرانی وزارت خارجہ کیجانب سے مصری عوام اور حکومت کیلئے تعزیتی پیغام

16 Aug 2022 00:10

اپنے بیان میں ایران کی وزارت خارجہ کے ترجمان نے متاثرین کے اہل خانہ سے تعزیت کا اظہار کیا ہے۔

اسلام ٹائمز۔ اسلامی جمہوریہ ایران کی وزارت خارجہ کے ترجمان نے مصر کے صوبہ "جیزہ" میں ایک چرچ میں آتشزدگی کے واقعے کے بعد مصری حکومت اور عوام کے ساتھ تعزیت کا اظہار کیا ہے۔ ایران کی وزارت خارجہ کے ترجمان ناصر کنعانی نے آج (پیر) پندرہ اگست کو مصر کے صوبے جیزہ میں ایک چرچ میں آتشزدگی کے واقعے پر افسوس کا اظہار کیا۔ جس کے نتیجے میں اس ملک کے متعدد شہریوں کی موت واقع ہوئی، انہوں نے مصری حکومت، عوام اور واقعے کے متاثرین کے اہل خانہ سے اس المناک حادثے پر تعزیت کا اظہار کیا ہے۔ انہوں نے اس واقعہ میں زخمی ہونے والوں کی جلد صحت یابی کی دعا کی۔ یاد رہے کہ مصر کے ایک چرچ میں خوفناک آگ لگنے سے 40 سے زائد افراد ہلاک اور متعدد زخمی ہوگئے تھے۔

خبر کا کوڈ: 1009354